وقفه مع الشاعر محمد السهلي

الاسم : محمد جار الله السهلي
الكنيه : ابو جار الله
العمر :25
الجنسيه:كويتي
مكان اليملاد : الاحمدي -الكيوت
التخصص:جغرافيا طبيعيه
المهنه:معلم
الموقع الرسمي:www.m-alsahli.com/vb

والآن نبداء مع القصيده الغزليه
اصعب سؤال
أصعب سؤال اللي جوابه للأسف مثله سؤال..

ماهو تفلسف إلا موقف صار وإسمع ثاني بيت..

البارحة يومه سأل وش ذكرك ذيك الليال?

كان الجواب بكل بساطه:من متى أصلآ نسيت!?

أدري بإن جمع الصعوبه والبساطه شئ خيال..

لكنها صارت كذا..واللي أهم إني دريت..

إن الحياة بفقد أحبابك إذا جف الوصال..

تعيشها لوتقتنع إنك خلاص أصبحت ميت..

ياصاحبي لوكل شئ يمر بالخاطر يقال..

ماكانت العبره تولجني إلامنك طريت..

شفني قدرت أحبس دموعي بس دمع القاف سال..

وياكبرها ساكت ولكن داخل أوراقي بكيت..

الحال في بعدك قسم بالله ماسميه حال..

أنوي على الضحكه وأحس كلي خطأ لأني نويت..

أتصور إني من رحلت أشوفك لجسمي ظلال..

لاشفته أمشي بأبتعد وأثره معي مهما مشيت..

مدام يعني في بحرك لفرحتي مليون جال..

وش فيه موجك ماركد قربت أموت ومارسيت..

يرضيك..ماعادت معي تفرق إذا جاءلك مجال..

لأني أقتنعت إنك نهايه وأني بأبطي مابديت..

صرت أعقد حجاجي أذا جابوك بأطراف الجدال..

وأنا قبل لاجابوا أسمك كني ميت ثم حييت..

تعبت أعيش الدور وأفتح للمعاذير الخيال..

وأتخيل إني جيت في بالك وبأنك أستحيت..

وترد لي كلك وله وتقول:كن البعد طال?!

ومن الفرح ماأعاتبك وأقول:ياخي مابغيت..

حتى وأنا أتخيل(نظرتك) لأن قلبي لايزال..

يكررأسمك داخل أعماقي بنبضه لاسهيت..

قلي شأسوي فيك وأنت بداخلي أصدق مثال..

للحب وإحساس القصيد إن عانق الليل وسريت..

ربي يصبرني على الفرقى مدام الحظ مال..

وأنت بيجي لك يوم تعرف في بعدك كم شكيت..

وإذا بلاك الله وعذبك إشتياقك بس تعال..

وأقرأ القصايد في غيابك كل أبوها بيت بيت..

وبتدري إن أصعب سؤال اللي يجي رده سؤال...

لاقلت لي.:وش ذكرك? ثم قلت لك:متى نسيت..

......................
والقصيده الثانيه في شاعر مضر شاعر الثقلين
ناصر بن محمد بن فارس الفراعنه

يا نجـد شوفـك عيـد وزيارتـك عيـد
مـن بـد بـلـدان الخلـيـج ودولـهـا
وفيافـي الـعـارض تحلـيـك وتـزيـد
غـلاك عـنـد محـدثـك لا وصلـهـا
قولـي لهـا عنـي يـا دار الاجـاويـد
لاهـب غريبيـهـا وداعــب نفلـهـا
لا تحسبنـي فـدار اخـو مريـم بعـيـد
واهـي هنـا بيـن المحـانـي باهلـهـا
انــا سلـيـل معتقيـيـن المصافـيـد
اللـي حـووّا فيـك الإمــام وشملـهـا
تـوافـدوا للبيـعـه ابــلا مواعـيـد
قبـل يراسلهـا لـفـت لــه رسلـهـا
مـن منطلـق ديـن وقناعـه وتوحـيـد
نفوسهـم كانـت علـى العـود ولـهـا
مـا بايـعـوا بحـصـار ولاّ بتهـديـد
الله عـلـى فـطـره سليـمـه جبلـهـا
كـنـا ولا زلـنـا الـدهـاه الاوالـيـد
قـوم اصطفاهـا ذو الـجـلال وجعلـهـا
يمنـى معـزيّ لا صفـق حيـد ٍ بحيـد
دون الألـف والــلام ولــلام والـهـا
أفعالنـا تشـفـي كـبـود المضاهـيـد
لـو مـا أنخلقنـا ماوجـد مـن فعلـهـا
وفـطاعـة آل سعـود صـم الجلامـيـد
نسـاوي قممـهـا بــوادي سهلـهـا
وفـطاعـة آل سعـود جراهـد البـيـد
تنبـت فخـر مـن دمـنـا لا غسلـهـا
وفـطاعـة آل سعـود روس المقـاريـد
نجتثـهـا قــدام تـــدرك اجـلـهـا
حكامنـا والـنـا الفـخـر والتماجـيـد
ان فعلنـا الـسـم الـذحـاح لزعلـهـا
وحنـا لهـم فعـل وقصايـد واناشـيـد
واهـم لنـا معـنـى الحـيـاه وأملـهـا
وفـشاعـر المليـون نهـايـة المـيـد
لرضاهـم حـصـان العـوامـر كفلـهـا
الشاهـق المطنـوخ سقـم الحواسـيـد
فـكـره يعريّـهـا ويكـشـف جهلـهـا
فيـا اللـي تـزّود فالسواليـف وتعـيـد
دعـايـة الصنـوبـري مــن قبلـهـا
بدعـه ولا يذكـر ورى المبتـدع فـيـد
واغبـى مـن اللـي قالهـا مـن نقلهـا
نقـد ٍ بـلا معنـى حصيـلـه مناقـيـد
مـا يقـنـع الا روس جـوفـا وبلـهـا
وان كـان تبغـى راي وافـي وتأكـيـد
لا جيـت عـقّـال الرياجـيـل سلـهـا
والله مـا تبـحـل ولا يمـكـن تحـيـد
بتـقـول مــال الحمـلـه إلا جملـهـا
والحملـه اللـي بركّـت كـل صنـديـد
فرعونـا ( نـاصـر) يـقـوم بدبلـهـا
شاعـر علـم : حنكـه وجـرأه وتجديـد
ينـزل قفـار ٍ مـاحـد ٍ قــد نزلـهـا
فكـر وشعـر ناهـي وراهـي مـواريـد
وان مالـت الدنـيـا بفعـلـه عدلـهـا
فرقه عـن اقارنـه ومـن غيـر تعقيـد
قصـه ابشرحهـا وابـضـرب مثلـهـا
مطامـع الشعّـار فـي نــدّر الصـيـد
تحثهـم علـى السعـي فــي سبلـهـا
تقنـص لهـا بسهومـهـا والبـواريـد
وهـذا رمـى هــذي وهــذا نبلـهـا
متزاحميـن وصيـدهـم دايــم زهـيـد
والنـادره تـشـرد ولا احــد ٍ قتلـهـا
ومن خلفهم ( ناصر ) على حصان ابو زيد
واليـا شـرد منهـن عصيّـه ختلـهـا
ولا هـي غريبـه يـا حفيـد الاماجـيـد
لا شقـت مـن عيـا عليـهـا خجلـهـا
الكايـده بنـت الفـخـر قبـلـة الغـيـد
طرقـا ً زهـى منـظـر جسـدهـا حللها
وانّـا معـك دعـم ومـواقـف وتأيـيـد
حتـى يبيّـن جـدهـا مــن هزلـهـا
وان شحـت فيـاض الزمـن بالعناقـيـد
عــادي يكفيـنـا جنيـنـا نخـلـهـا
وخلاصـة الموضـوع والشـي الاكـيـد
جملـه و مـن قبلـي (فـلاح) ارتجلهـا
مـن غيـر قاصـر فالرجـال الصناديـد
(حنـا معازيـب القصـايـد واهلـهـا )

..........................
والقصيده السياسيه
الفكر ضد الموت
الفكر ضد الموت في كل الأوقات ..
واللي بليا فكر عايش بـ تابوت ..
الصح منه يدوم ويخلد أموات ..
وإلا الغلط مجرد سنين ويموت ..
والشعر لو ماصار ساعي قناعات ..
يصبح حكي لكن على هيئة بيوت ..
والصدق مفتاح الكرامه ومنجات ..
يكفيك من لبس السلام مشلح وكوت ..
والكذب نقص عقول وفعول واثبات ..
بـ ان أغلب الياقوت ماهو بـ ياقوت ..
والحب احلى شيء .. إلا مع الذات ..
والدار أغلى شيء .. إلا بلا قوت ..
والدين عزّ .. وهيمنه .. وانتصارات ..
لا صار قول . وفعل . وجهاد . وقنوت ..
يوم المشايخ .. قبل عصر الدويلات ..
تنقل كفن واسلاح .. ماتنقل بشوت ..!
في وقتها يااهل الخطب والشعارات ..
سالت دموع العزّ من عين جالوت ..
وفي وقتنا .. يا صانعين القرارات ..
نضحي بـ غزة .. على شان بيروت ..
والفرق شاسع .. ياصراع الحضارات ..
والقول اكيد .. وبالأدلة .. ومثبوت ..
الماضي .. امجاد . وشموخ . وفتوحات ..
والحاضر مهايط . ومقهى . وبالوت ..!
وأمر وأدهى .. ماهو .. قادم وآت ..
لا صار واقعنا مبهذل .. وممقوت ..
يمثل الأمة في الأمة .. عصابات ..!
وعلى خراب بيوت .! تتعمر بيوت ..
جلسات سرية على شان جلسات ..
تفوت اللي مستحيل انه يفوت ..!!
واللعب واضح في جميع المجالات ..
بـ تشوت ؟! صلح لي اصلح لك اتشوت .!
والخير بيّن فـي وجـيه البشارات ..
والشعب مستهلك ومتعب ومكبوت ..
حرية الرأي .. اختصاص القيادات ..
وحنا تخصص ذل وانصات وسكوت ..
ياصاحبي .. خل القصص والحكايات ..
وش ميزة التوت .. إن فقد لذة التوت .؟!
إن مت ! من قول الحقايق .. سهالات ..
على الأقل تدري على ويش بـ تموت ..!
والمشكله ماهيب في كثر الأصوات ..
المشكله لا صار ما للعقل صـوت ..!
.....................
وفي الاخير اتمكمنى ان يكون الموضوع حاز على استحسانكم ورضاكم
وشكرا
مع تحيات
ا
خ
ت
ك
م
jocolor

ghiuuuudh

الله يعطيك العافيه

موضوع ثري ورائع

تستحقين الإشاده بصراحه على مجهودك

صح لسانك ولسان أبو جارالله شاعر كبير والكبير الله

مشكوره وماقصرتي

,,,

ـــــــــــــــــــــــــــــــــــــ

قصيده اصعب سؤال مرره تجنن واغلب قصائده رووعه ويستاهل المدح

مشكووره